Azərbaycanın iri şəhərləri sırasında ilk beşlikdə yer alan Yevlaxda kompleks işıqlandırma işləri başa çatıb. “Bakı Abadlıq Xidməti”nin səyi nəticəsində şəhərin əsas prospekt və küçələrində, daha doğrusu, 25 küçədə 894 işıq nöqtəsi quraşdırılıb. Müasir konusvari dirəklərə dünya şöhrətli “Phillips” şirkətinin istehsalı olan lampalar bərkidilib. Bu isə o deməkdir ki, şəhərin 25 kilometrlik çevrədən artıq bir ərazisi nura boyanıb.

Paytaxtın mərkəzində və ətraf kəndlərdə 54 parkda yaşıllığa, təmizliyə nəzarət “Bakı Abadlıq Xidməti” tərəfindən həyata keçirilir. Parklarda iş hər səhər saat 8-dən başlayaraq gecə 11-ə qədər iki növbə üzrə davam edir. Yaşıllığın qorunması, qazon örtüyünə, müəyyən dizayn tərtibatı üzrə yerli və xaricdən gətirilmiş nadir bitkilərə professional qulluq, müasir texnologiyaların tətbiqi ilə suvarma, təmizlik və xırda tikinti işlərinin gerçəkləşməsinə 500-dən artıq əməkdaş cavabdehdir. Yəni parklara qulluq bütün gün boyu davamlı, fasiləsiz prosesdir.

"Bakı Abadlıq Xidməti" Balaxanıda abadlıq işlərinə başlayarkən əsas məqsədlərdən biri yerli rəssamlara dəstək verilməsi, onların sənətlərinin qorunub gələcək nəsillərə ötürülməsi idi. Bu məqsədlə bir sıra mühüm layihələr həyata keçiridi.  Balaxanılı rəssamlar Tahir və Emin Ələkbərov qardaşlarının qurduqları "AzFresco" rəssamlar qrupunun rəhbərliyi ilə aparılan bu işlər zamanı Balaxanının özünəməxsusluğu daha da vurğulandı. 

Balaxanının yerli rəssamlarından Bəxtiyar Yusifov və Ramin Məmmədov öz yaradıcılıqları ilə bu mühüm işlərə imza atdılar. Belə ki, Dirçəliş küçəsində neftlə bağlı təsvirlər onların əl işidir. Qırmızı, sarı malalı evlərin yenidən bərpa olunmasında isə Əzizbala Dadaşovun və Bəxtiyar Yusifovun zəhməti danılmazdır.

Balaxanı və Ramana küçələrindəki bədii döymə sənətinə aid nümunələr bir sənətkarın əl işləridir.

Bakı Abadlıq Xidməti sənətə dəstək olaraq, yerli sənətkarların əl işlərini almağı və onlardan abadlaşdırmada istifadə etməyi ənənə halına gətirib. Bununla kəndlərdə sakinlər daim sənət əhatəsində olur, yeni nəsil - uşaqlar, gənclər yaradıcılığa təşviq edilir və müasir abadlıqla tarixi elementlər ahəngdar şəkildə birləşdirilir.

Bu məqsədlə Xidmət abadlıq işləri zamanı bədii döymə ustası, 40 illik sənət təcrübəsi olan Əzizbala Dadaşovun əsərlərindən faydalanıb. Balaxanılı rəssamın unikal əl işləri bu qəsəbələrin küçə və döngələrini bəzəyərək tarixi və mədəni irsi vurğulayır. 

Vəkillər Kollegiyası Rəyasət Heyətinin növbəti iclasında kollegiya tərəfindən qurumun inzibati binasının tikinti və təmiri işlərinin satınalınması üzrə elan olunmuş açıq tenderin nəticəsi elan edilib. Tenderdə iştirak edən “Bakı Abadlıq Xidməti” MMC-nin təklifləri qiymətləndirilib və komissiyanın qərarına əsasən qalib elan edilib. İzibati binanın tikinti və təmiri işlərinə yaxın günlərdə başlanılacaq.

Bakı şəhəri beynəlxalq miqyasda əhəmiyyətli tədbirlərdən biri olan COP29-a ev sahibliyi edərək, dünyanın diqqət mərkəzinə çevrildi. Bu tədbir çərçivəsində şəhərin abadlaşdırılması və estetik görünüşü ilə əlaqədar intensiv işlər həyata keçirildi. “Bakı Abadlıq Xidməti” tərəfindən də şəhərin mərkəzi küçələrində yerləşən memarlıq incilərinin bərpası ilə bağlı işlər aparıldı.

Bu abadlıq işləri memarlıq nümunələrinin və tarixi binaların görünüşündə müsbət dəyişikliklərə səbəb oldu.

Hər bir yenilik çoxdan unudulmuş köhnəlikdir, deyirlər.

Nardaranın Ləiş bağlarında 18-ci dalan ərazisində quraşdırılmış qırmızı yel dəyirmanı öz işinin öhdəsindən əla gəlir.

Eksperiment kimi təqdim olunan ekoloji təmiz layihə sınaqdan yaxşı çıxıb. İndi dəyirman normal qaydada işləyir, əldə olunan enerji quyuda quraşdırılmış kiçik mühərrikin işə düşməsinə kifayət edir. Beləcə, suvarma işinə əlavə vəsait sərf edilmir, həm elektrik enerjisinə, həm də içməli suya qənaət olunur.

Zəfər günü Azərbaycan Respublikasının Prezidenti İlham Əliyev dünyanın ən böyük bayrağını yenidən Bakı bulvarındakı tarixi məkanda - Dövlət Bayrağı meydanında ucaltdı. 

Bayrağın ucaldığı məkanda əsaslı abadlıq işləri görülüb. Meydan tamamilə işıqlandırılıb. Əraziyə 52 işıq dirəyi basdırılıb, 102 ədəd Phillips istehsalı olan lampa yerləşdirilib. Meydanda həmçinin yaşıllıq və landşaft işləri də görülüb. 4500 kvadrat metrlik sahəyə qazon döşənib. Xüsusi dizayn olunmuş yerlərə 54 min müxtəlif kol və çiçək əkilib.

Tədbirdə Laçın rayonunda Azərbaycan Respublikası Prezidentinin xüsusi nümayəndəliyi, Laçın rayonunda Bərpa, Tikinti və İdarəetmə xidmətinin və “Laçın Abadlıq Xidməti” ASC-nin əməkdaşları, şəhid ailələri, qazilər, hərbçilər rayonun hüquq-mühafizə orqanlarının rəhbərləri, sakinlər, iştirak ediblər.

Mədəniyyət Nazirliyi, Azərbaycan Respublikası Prezidentinin Laçın rayonunda Xüsusi Nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə 26 avqust – Laçın Şəhəri Günü ikinci dəfə təntənə ilə qeyd olunub.

Şəhər günü Laçının dörd məkanında – Bayraq meydanı, "Lacinema" kinoteatrı, seyrəngah və Həkəri çayının sahilində gerçəkləşib.

Prezident İlham Əliyevin Pakistana səfəri çərçivəsində Baş nazir Məhəmməd Şahbaz Şərifə İslamabadın abadlaşdırılması planı təqdim olunub.

Məhəmməd Şahbaz Şərif: “Biz bu cür planları bəzən İstanbuldan nümunə götürürdük, indi isə Bakıdan nümunə götürürük. Heyətin rəhbəri bu fürsətdən istifadə edib İslamabadı Bakıya oxşadacaq”.

Prezident İlham Əliyev, birinci xanım Mehriban Əliyeva, qızları Arzu Əliyeva mayın 28-də Xocalıda Bakı Abadlıq Xidməti tərəfindən aparılan abadlıq və yenidənqurma işləri ilə tanış olublar, şəhərə köçən sakinlərə mənzillərin açarlarını təqdim ediblər.