“AzeRobot Education” Robototexnika Tədris Mərkəzinin növbəti qələbəsi

Bakı Abadlıq Xidmətinin təşəbbüsü ilə ilk dəfə 2021-ci ilin iyul ayında Balaxanıda yaradılan, hazırda Koroğlu, Sahil, Nərimanov, Əhmədli, Maştağa və Xocalı filiallarının da fəaliyyət göstərdiyi “AzeRobot Education” Robototexnika Tədris Mərkəzini növbəti qələbəsi münasibətilə təbrik edirik.  

18 sentyabrda “Yaşıl dünya naminə həmrəylik ili” çərçivəsində ASCO-nun dəstəyi ilə “AzeRobot Education” Robototexnika Tədris Mərkəzinin şagirdləri arasında keçirilən “Gəmiçilik, gənc ixtiraçılar və innovasiya” müsabiqəsinin qaliblərinin mükafatlandırılmasına həsr edilmiş tədbir keçirilib.

Müsabiqədə ümumilikdə 32 komanda iştirak edib. Birinci yeri "Smart Can” layihəsi ilə “Future X”, ikinci yeri “Wave Tech” layihəsi ilə “AquaDynamiX”, üçüncü yeri “Ağıllı naviqasiya işığı” layihəsi ilə “NaviGenius” komandası tutub.

İştirakçılara və qaliblərə ASCO rəhbərliyə tərəfindən hədiyyələr və sertifikatlar təqdim olunub.