Ünvan

Heydər Əliyev prospekti 99/1, Bakı, Azərbaycan

Sosial şəbəkələrdə

Bloq

Bağ cığırları

Bağ evinin darvazalarının arxasında bizi ilk olaraq qarşılayan bağ cığırları olur. Gəlin dizaynerləri unudaq və cığırları özümüz öz əllərimizlə hazırlamağa çalışaq. Bunun üçün isə yalnız istək və əlçatan, bahalı olmayan tikinti materialları lazım olacaq.

Evə doğru aparan cığırdan külafirəngiyə, bostana və ya qaraja tərəf yollar ayrılır. möhkəm və səliqəli yolla getmək, əsasən də yağışdan islanmış ot və ya gilli torpaqla yeriməkdən daha xoşdur. Çoxları bağ aldıqdan sonra gec-tez onu qaydaya salmağa məcbur olur. ən çox da cığırların düzəldilməsi lazım gəlir. Hazırda bu məsələnin həllinin müxtəlif üsulları mövcuddur. assortiment seçimi olduqca böyükdür. Bu həm müxtəlif beton, asfalt plitələr, həm kərpic qırıqları, həm keramzit kimi materiallardır. Hər şey materialın qiymətindən asılıdır.

Tökmə əsaslı yollar

Çox asan əmələ gəlir. 100 mm dərinliyində xəndək qazıb, dibinə və kənarlarına geotekstil sərmək (1 m2 -ə 150 q olmaqla), yanlarını bordyur lenti ilə bərkitmək lazımdır. qalır hazır bünövrəni çınqıl, xırda daşlar, mərmər qırıqları ilə doldurmaq. əgər bu cür variant çox sadə görünürsə, əlavə olaraq üstündən daş və ya beton plitələri qarışıq və ya qayda ilə düzmək olar. Rahatlıq üçün plitələri çınqılda batırmaq lazımdır ki, onlar səthdən kənara çıxmasınlar.

Taxta hissələrindən və dirəklərdən istifadə etməklə

Büdcəyə uyğun gələn və bağ sahiblərinin ən sevimli variantı – ağacdan düzəldilmiş cığırlardır. ən geniş yayılmış iki variant var – 1) dirəklərdən 2) odundan. əgər iqlim qurudursa, tikinti materialları satılan istənilən supermarketdə olan taxta dirəkləri və ya enli taxtaları ala bilərsiniz. ağacların bərk növlərini seçin. uzunluğu 100 sm, eni 30 sm, qalınlığı 15-20 sm olan eyni ölçüdə taxtalar kəsilir və əvvəlcədən hazırlanmış quma və ya çınqıla döşənir.

Hər bir taxta parçasını mazutla və ya xüsusi dərmanla emal etmək lazımdır ki çürümənin qarşısı alınsın. Bu məqsədlə torpağa toxunan tərəfə maye asfalt da sürtmək olar. Bu cür döşəməni payız aylarında etmək məsləhətdir, çünki qışda torpaqda baş verən çökmələr taxta parçalarını təbii düzlənməyə gətirib çıxarır

Təbii bağ cığırları

Bu cür cığırlar xüsusi planlaşdırma olmadan özbaşına əmələ gəlirlər. adətən onlar insan tapdağı və ya bağ texnikasının təkərlərindən yaranıb ərazinin vacib hissələrini – ev, hamam, bostan, bağ, çıxış qapısını birləşdirir. Bu cür torpaq cığırın mənfi tərəfləri var. məsələn, yağışdan sonrakı palçıq, gölməçələr, ot basmasıvə s. Ona görə də, bu cür cığırdan müvəqqəti istifadə etmək mümkündür.

Bərk tökmə cığırlar

Möhkəm örtük böyük ağırlıq üçün ideal seçimdir. Bünövrəsi betondan olub, üzərinə dekorativ elementlər – plitələr, səki daşları, təbii daşlar düzülür. müxtəlif rəngli materiallardan istifadə edilməsi dekora təbii görünüş verir. Hazır obyekt su ilə yuyulmadan və torpaq çökmələrindən ziyan görməmək üçün, torpaqdan 50-70 mm hündürlükdə olmalıdır.

Beton

Bağ cığırlarında həm praktik, həm də dekorativ məqsədlə çox istifadə olunan materialdır. Bu cür döşənmənin üstünlüyü yüksək möhkəmlik, uzunmüddətlilik, istənilən həndəsi formanı vermək imkanının olmasıdır. Həmçinin cığırı müxtəlif dekorativ aksesuarlarla bəzəmək olar. Betonun üzərinə daşlardan mozaika da düzmək mümkündür. Mozaikanı betonu tökdükdən 2-3 saat sonra düzmək lazımdır.