Bakı kəndlərinin kreativ şəkildə yenilənməsində işlər hansı yerdədir?

İctimai TV-nin “Xəbəriniz var?” verilişində Bakı Abadlıq Xidmətinin  paytaxtda, Bakı kəndlərində və Laçında həyata keçirdiyi abadlıq işləri müzakirə olunub. 

“Bakı Abadlıq Xidməti”nin İctimaiyyətlə Əlaqələr Şöbəsinin rəhbəri Lalə Əliyeva deyib ki, ərazilərimiz işğaldan azad edildikdən sonra Laçında genişmiqyaslı yenidənqurma və abadlıq işləri görülüb. Hazırda Laçında yolların, parkların və ictimai məkanların yenidən qurulması həyata keçirilir, yeni müəssisələr açılır və iş yerləri yaradılır. Xidmətin  Zerti Aqrosənaye Parkındakı  müxtəlif sənaye müəssisələrinin

fəaliyyəti tələbata uyğun olaraq dəyişdirilə və yaxud mövsümi olaraq müvəqqəti dayandırıla bilər.

Bununla yanaşı, “Bakı Abadlıq Xidməti” uzun illərdir paytaxtın küçələrinin, parklarının və digər ictimai məkanlarının abadlaşdırılması, təmizliyi və yaşıllaşdırılması ilə məşğuldur. Günü bu gün Bakı şəhərində bir çox parkda abadlıq işləri aparılır. Bu prosesə təmizlik, landşaft dizaynı, yeni yaşıllıqların salınması və mövcud infrastrukturun yenilənməsi daxildir. İşlərin həyata keçirilməsinə xeyli sayda əməkdaş cəlb olunub və bu fəaliyyət mütəmadi olaraq davam etdirilir.

Eyni zamanda, xidmət Bakıətrafı kənd və qəsəbələrin abadlaşdırılması layihələrini icra edir. Bu çərçivədə 8 Bakı kəndinin mərhələli şəkildə abadlaşdırılması nəzərdə tutulub. Bəzi kəndlərdə bu işlər artıq bir neçə ildir ki, davam etdirilir.

Ümumilikdə, “Bakı Abadlıq Xidməti” həm paytaxtda, həm də regionlarda genişmiqyaslı abadlıq və yenidənqurma işləri həyata keçirir. Xüsusilə Laçının yenidən qurulması, yeni müəssisələrin açılması və infrastrukturun inkişaf etdirilməsi Qarabağın dirçəlişi üçün vacib addımlardan biridir.

VİDEO