“Zəfərdən sonra...” - Yazı müsabiqəsi

Paytaxt və Bakıətrafı kəndlərdə illərdir uğurla bərpa-quruculuq işləri aparan Bakı Abadlıq Xidməti 8 Noyabr Zəfərindən bu günə qədər işğaldan azad edilən ərazilərdə də yüksək əzmlə abadlıq və tikinti işləri görür. Müasir şəhərlər, kəndlər salınır. Dövlətin bütün Qarabağı əhatə edən Böyük Qayıdış proqramı üzrə sakinlərin qısa zamanda doğma yurdlarına köçmələri üçün işlər davam etdirilir.

Xidmətin Qarabağda və Şərqi Zəngəzurda görülən fəaliyyətlə əlaqədar jurnalistlər üçün elan etdiyi yazı müsabiqəsi sözügedən ərazilərdəki dəyişikliklərlə bağlı fərqli müəllif yanaşmaları, orijinal baxış bucağı axtarışındadır.

 
Hər bir jurnalisti yazı müsabiqəsində iştiraka dəvət edirik!
 
Müsabiqənin şərtləri:
 
o          Məqalələr Azərbaycan dilində yazılmalıdır.
o          Müsabiqədə iştirakla bağlı yaş məhdudiyyəti yoxdur.
o          Hər iştirakçı yalnız bir məqalə təqdim edə bilər.
o          Yazının həcmi 9-11 min işarədən çox olmamalıdır. 

Məzmun tələbləri:
 
o        Məqalə orijinal üslubda yazılmalı, daha öncə heç bir mətbu orqanda dərc edilməməlidir.
o        Müsabiqə mövzusuna uyğun olaraq yazıda konkret nümunələr və faktlar təqdim edilməlidir.
o        Mövzu dolğun əhatə edilməlidir.
o        Məqalənin dil və üslub xüsusiyyətləri, bədii-estetik ifadəsi önəmlidir.
o        Yazı ilə bərabər məqaləyə uyğun fotoların göndərilməsi arzuolunandır.
 
Texniki tələblər:
  
o        Yazı “word” faylında təqdim edilməlidir.
o        Müəllifin adı və əlaqə məlumatları (email, telefon nömrəsi) göstərilməlidir. 
o        Müəllifin şəxsiyyət vəsiqəsi əlavə edilməlidir. 
o        Məqalələr smm@bms.az elektron ünvanına göndərilməlidir.
 
Qiymətləndirmə:
 
Məqalələr media mütəxəssisləri, o cümlədən digər müvafiq sahələrin peşəkarları tərəfindən qiymətləndirəcək. Münsiflər maarifləndirici və informasiyalı yazılara üstünlük verəcək. Ən yaxşı məqalələrin müəllifləri aşağıdakı formada mükafatlandırılacaq:
 
Mükafatlar:
 
o                    I yer:  1500 AZN
o                    II yer: 1000 AZN
o                    III yer: 500 AZN 
o                    Fərqlənən digər 5 iştirakçıya isə həvəsləndirici mükafatlar (200 AZN dəyərində) təqdim olunacaq.

Müsabiqənin başlanma tarixi : 27.09.2024

Yazıların son təqdimetmə tarixi: 8 Noyabr Zəfər Günü

Nəticələrin elan edilməsi tarixi: 01.12.2024

Qeyd: Müsabiqə şərtlərinin hər hansı birinin yerinə yetirilməməsi qaydaların pozulması hesab edilə və yazının qəbul edilməməsi ilə nəticələnə bilər.
                                              
Əlaqə: 050 755 70 30